கிறு கின்று என்ற இரண்டும் நிகழ்காலத்தைக் குறித்தாலும் இரண்டையும் ஐம்பால்களிலும் பயன்படுத்துவதில்லை. குறிப்பாக, 'கிறு' என்ற நிகழ்கால இடைநிலை, பலவின்பாலில் பயன்படுத்தப்படுவதில்லை..
கிறு
கிறு இடைநிலை ஐம்பால்களில் பலவின்பால் தவிர்த்து எஞ்சிய நான்கு பால்களில் பயன்படுத்தப்படுகின்றன.
நிகழ்காலத்தில் செயல்நடைபெறுவதைப் பொதுவாகக் கூறுகிறது.
செய்கிறான்- ஆண்பால்
செய்கிறாள் - பெண்பால்
செய்கிறார் - பலர்பால்
செய்கிறது - ஒன்றன் பால்.
கின்று
கின்று என்னும் இடைநிலை . ஐம்பால்களிலும் நிகழ்காலத்தைக்குறிக்கப் பயன்படும்.
நிகழ்காலத்தில் செயலின் உறுதித்தன்மையை அழுத்தமாக உணர்த்தப்பயன்படுகிறது
செய்கின்றான்- ஆண்பால்
செய்கின்றாள் - பெண்பால்
செய்கின்றார் - பலர்பால்
செய்கின்றது - ஒன்றன் பால்.
செய்கின்றன - பலவின்பால்
ஆநின்று
'ஆநின்று ' என்னும் நிகழ்கால இடைநிலை தற்காலத்தில் பயன்படுத்தப்படுவதில்லை என்றாலும் இது 'present continuous tense' என்ற தொடர் நிகழ்கால நிலையிலேயே பயன்படுகிறது .
ஒரு செயல் நிகழ்காலத்தில் தொடர்ந்து நடைபெற்று வருவதைக் குறிக்க ஆநின்று இடைநிலை பயன்படுகிறது. இது எதிர்மறைப்பொருளைத்தராது ஐம்பால்மூவிடங்களிலும் பயன்படுத்துவர்
வாராநின்றான் - ஆண்பால்
வாராநின்றாள் - பெண்பால்
வாராநின்றார் - பலர்பால்
வாராநின்றது - ஒன்றன் பால்
வாராநின்றன - பலவின் பால்
நன்றி 🙏
இரா.முருகன் தமிழாசிரியர்
